Mamlaka ya Hifadhi ya Ngorongoro imewataka watumishi wake waliohudhuria mafunzo ya kiutumishi kwa siku tano mjini Dodoma kuyafanyia kazi.

Na. Jerome Mlaki wa Dar.. 0789106710

Mamlaka ya Hifadhi ya Ngorongoro imewataka watumishi wake waliohudhuria mafunzo ya kiutumishi kwa siku tano mjini Dodoma kuyafanyia kazi mafunzo yao ili waweze kuongeza ufanisi katika utendaji.

Naibu Kamishna wa Mamlaka hiyo anayeshughulikia huduma za shirika Aidan Makalla ametoa rai hiyo kwa watumishi has wakati akifunga mafunzo ya wiki moja yenye lengo la kuwajengea watumishi uelewa kuhusu utawala bora, usimamizi wa rasilimali watu, matumizi ya teknolojia ya kisasa katika uhifadhi, Utoaji wa huduma bora kwa wateja na nidhamu mahala pa kazi

Makalla amesema mamlaka imewekeza mtaji kwa watumishi hao kwa kuwapa elimu hiyo ya utumishi, maadili, uwekezaji,afya ya akili na itifaki ikiamini kwamba mafunzo ndiyo nyenzo muhimu katika uwajibikaji.

“Sisi viongozi wa mamlaka ni kama wazazi tuna wajibu wa kuwapa mafunzo ili msiharibikiwe na baadaye mamlaka ikaja kulaumiwa, yatumieni mafunzo haya kuyajenga katika kazi zenu,”alisema Makalla.

Hii ni awamu ya Pili kwa mwaka huu wa fedha kwa Mamlaka ya Hifadhi ya Ngorongoro kutoa mafunzo kwa watumishi wake ikiamini kwamba asiyefunzwa na mamaye atafunzwa na ulimwengu.

Read More

UTABIRI WA HALI YA HEWA KWA SAA 24 ZIJAZO

 Na Jerome Mlaki wa Dar. 0789106710

Read More

Usajili wa vituo vya Kulea watoto mchana na Watoto Wachanga

Na Jerome Mlaki wa Dar. 0789106710

Usajili wa vituo vya Kulea watoto mchana na Watoto Wachanga 

UTARATIBU WA USAJILI WA VITUO VYA KULELEA WATOTO WADOGO MCHANA NA WATOTO WADOGO

1.0 Utangulizi

  Vituo vya kulelea watoto wadogo mchana, ni moja ya huduma za malezi makuzi na maendeleo ya awali ya mtoto zinazotolewa katika taasisi zinazoratibiwa na kusimamiwa na Wizara chini ya Idara ya Ustawi wa Jamii.

Huduma hizi zilianza kutolewa mwaka 1967 wakati wa Vijiji vya Ujamaa kwa lengo la kuwapatia wazazi nafasi ya kushiriki kwenye shughuli za uzalishaji mali. Mwaka 1981 ilitungwa Sheria ya vituo vya kulelea watoto wadogo mchana na mwaka 1982 zilitungwa kanuni kwa ajili ya utekelezaji wa sheria hiyo ambapo taasisi za serikali ,mashamba makubwa, pamoja na watu binafsi waliazisha huduma hizo ikiwemo; Magereza ,Shirika la reli,mashamba ya mikonge na chai,viwanda vya sukari n.k.

Mwaka 1985 kilianzishwa chuo cha ustawi wa Jamii Kisangara-Mwanga kwa ajili ya kuzalisha walezi wa vituo vya kulelea watoto wadogo mchana na baadae kupanua wigo kwa watu binafsi na mashirika ya dini kuanzisha vyuo vya malezi kwa ajili ya kukidhi mahitaji ya walezi nchini . Mwaka 2009 ilitungwa Sheria ya Mtoto ambapo Sheria hii iliunganisha Sheria zote zinazohusu watoto ikiwemo sheria ya vituo vya kulelea watoto wadogo mchana.

Huduma hii imegawanyika katika maeneo makuu matatu:

Vituo vya kulelea watoto wachanga vinavyotoa huduma kwa watoto walio na umri kuanzia miezi 3 hadi miaka 2 (Crèches),

Vituo vya kulelea watoto wadogo mchana vinavyotoa huduma kwa watoto walio na umri wa miaka 2 hadi miaka minne (Day Care Centers)

Vituo vya kulelea watoto wadogo mchana vinavyomilikiwa na jamii kwa watoto wa umri wa miaka 2 hadi minne (Community Based Day Care Centers).

2.0 Madhumuni ya kuanzisha vituo hivi

Vituo hivi vimeanzishwa kwa madhumuni yafuatayo:

Kuwapa nafasi zaidi wazazi wa watoto ili waweze kufanya kazi zao za uzalishaji mali bila kuwa na hofu juu ya usalama wa watoto wao wakati wa mchana.

Kuwapatia watoto mazingira bora yanayowawezesha kukuza akili, mwili, lugha, hisia zao pamoja na kuwakuza kijamii na kiutamaduni.

Kuwapatia watoto malezi bora,

Kuwapa mwongozo na mwenendo bora wa maisha, utii, heshima na ushirikiano.

e)Kubaini na kuendeleza vipaji vya watoto na kuwaandaa kwa ajili ya kujiunga na shule za awali na hatimaye shule za msingi

f)Kufanya utambuzi wa mapema wa watoto wenye mahitaji maalumu/ ukuaji usio wa kawaida kwa ajili ya kuwapatia afua stahiki.

g) Kukuza ujifunzaji wa mapema na uhamasishaji wa kila mtoto na kukuza ujuzi wa kukabiliana na changamoto

Read More

Mamlaka ya Hali ya Hewa Tanzania (TMA)

 

DAR ES SALAAM: 

Na Jerome Mlaki wa Dar. 0789106710

Mamlaka ya Hali ya Hewa Tanzania (TMA) imetabiri mvua za msimu wa Vuli wa Oktoba hadi Desemba 2026 kuwa za wastani hadi juu ya wastani katika maeneo mbalimbali nchini, huku ikiwataka wananchi na wadau kuchukua tahadhari mapema kutokana na uwezekano wa vipindi vya mvua kubwa na mafuriko.

Kwa mujibu wa TMA, mvua hizo zinatarajiwa kuanza katika wiki ya kwanza na ya pili ya Oktoba katika maeneo ya Arusha na Manyara, pamoja na ukanda wa Kaskazini unaojumuisha Tanga, Dar es Salaam, kaskazini mwa Morogoro, Mafia na Pemba.

“Wananchi wanapaswa kufuatilia taarifa rasmi za hali ya hewa na kuchukua hatua mapema ili kupunguza madhara yanayoweza kusababishwa na mvua kubwa,” TMA imesema.

MAFURIKO NA KILIMO

TMA imeonya kuwa mvua nyingi zinaweza kuongeza unyevunyevu wa udongo na kusababisha mafuriko, hali inayoweza kuathiri shughuli za kilimo na uzalishaji wa chakula.

Pamoja na changamoto hizo, mvua zinaweza kuongeza uzalishaji katika maeneo yatakayotumia vizuri fursa hiyo. Wakulima wametakiwa kuandaa mashamba, kupanda kwa wakati, kutumia pembejeo sahihi na kuboresha usimamizi wa maji.

“Wakulima wanashauriwa kutumia mbinu bora za kilimo, kuvuna maji ya mvua na kuchukua hatua za kudhibiti visumbufu vya mimea ili kupunguza athari na kuongeza uzalishaji,” imesema TMA.

BARABARA, MADARAJA NA USAFIRI

Mamlaka hiyo imeonya kuwa mvua kubwa zinaweza kusababisha mafuriko, mmomonyoko wa udongo, kuharibika kwa barabara na madaraja, hali inayoweza kuvuruga usafiri na kuongeza hatari ya ajali.

Bandari nazo zinaweza kukumbwa na mawimbi makubwa na hali mbaya ya bahari, huku usafiri wa anga ukiathiriwa na mwonekano hafifu na kuchelewa kwa safari.

TMA imewataka wadau wa usafiri kukagua miundombinu mara kwa mara na kufuatilia taarifa za hali ya hewa ili kuchukua hatua kwa wakati.

AFYA NA MAZINGIRA

TMA pia imeonya kuhusu uwezekano wa kuongezeka kwa magonjwa kutokana na maji kutuama, kuathirika kwa mifumo ya maji taka na uchafuzi wa vyanzo vya maji.

Mamlaka za afya zimetakiwa kujiandaa kwa changamoto hizo, huku wananchi wakihimizwa kuchukua hatua za usafi na kuzuia maji kutuama katika maeneo ya makazi.

WAFUGAJI NA WAVUVI

Wafugaji wametakiwa kupanga matumizi ya maji na malisho pamoja na kufuatilia ushauri wa wataalamu wa mifugo.

Wavuvi na wakulima wa mwani nao wametakiwa kufuatilia taarifa za hali ya hewa na bahari kabla ya kuanza shughuli zao ili kupunguza hatari zinazoweza kujitokeza.

SERIKALI ZA MITAA ZATAKIWA KUJIANDAA

TMA imezitaka serikali za mitaa kuimarisha mifumo ya mifereji, kuondoa vizuizi kwenye njia za maji na kutoa elimu kwa wananchi kuhusu namna ya kujikinga na mafuriko.

“Maandalizi ya mapema ni muhimu katika kupunguza madhara ya matukio ya hali mbaya ya hewa,” TMA imesisitiza.

TMA imesema pia imeendelea kuboresha utabiri wa hali ya hewa hadi ngazi ya wilaya, hatua inayolenga kuwasaidia wananchi, wakulima, wafugaji, wafanyabiashara na serikali kupanga shughuli zao kwa kuzingatia mwenendo wa hali ya hewa.

Mamlaka hiyo imewataka wananchi kuendelea kufuatilia taarifa za kila siku, angalizo na tahadhari rasmi zitakazotolewa kadiri hali ya hewa itakavyobadilika.

“Taarifa rasmi za hali ya hewa zinapaswa kuwa chanzo cha msingi katika kuhabarisha na kuelimisha jamii kuhusu matukio yanayoweza kujitokeza,” TMA imesema

Read More

Mamlaka ya Hali ya Hewa Tanzania (TMA) imetoa rasmi utabiri wa mvua.

 Na Jerome Mlaki waDar

Mamlaka ya Hali ya Hewa Tanzania (TMA) imetoa rasmi utabiri wa mvua za msimu wa Novemba 2026 hadi Aprili 2027 kwa mikoa 14 nchini, ikiwemo Kigoma, Katavi, Tabora, Rukwa, Mbeya na Ruvuma.

Kwa mujibu wa taarifa hiyo, mikoa mingine iliyojumuishwa katika utabiri huo ni Songea, Iringa, Njombe, Morogoro Kusini, Singida, Dodoma, Lindi na Mtwara.

Utabiri huo umetolewa na Mkurugenzi Mkuu wa TMA, Dkt. Ladislaus Benedict Chang'a, ukiwa sehemu ya juhudi za kuziwezesha sekta mbalimbali na wananchi kwa ujumla kujiandaa na kupanga shughuli zao kulingana na matarajio ya hali ya hewa katika kipindi hicho.

TMA imeeleza kuwa utabiri huo wa mvua za msimu unahusu maeneo yaliyotajwa kwa kipindi cha miezi sita, kuanzia Novemba 2026 hadi Aprili 2027.

Wakati huo huo, utabiri wa mvua za Vuli kwa kipindi cha Oktoba hadi Desemba 2026 ulitolewa rasmi mwezi Agosti mwaka huu, ukihusisha mikoa ya Kagera, Geita, Mwanza, Shinyanga, Simiyu, Mara na Kaskazini mwa Kigoma.

Mikoa mingine iliyoainishwa katika utabiri wa Vuli ni Arusha, Kilimanjaro, Manyara, Tanga, Dar es Salaam, Pwani, Kaskazini mwa Morogoro pamoja na visiwa vya Unguja na Pemba.

Utoaji wa utabiri wa mvua za misimu ni muhimu kwa maandalizi ya shughuli za kilimo, mifugo, usafiri na sekta nyingine zinazotegemea hali ya hewa.

Read More

Serikali imeeleza umuhimu wa kuimarisha sera na mazingira ya biashara kwa kampuni changa za ubunifu (startups),

 Serikali imeeleza umuhimu wa kuimarisha sera na mazingira ya biashara kwa kampuni changa za ubunifu (startups), huku wadau wakitaja upatikanaji wa mitaji, masoko na changamoto za kanuni za uendeshaji kuwa miongoni mwa vikwazo vinavyohitaji ufumbuzi.

Hoja hizo zimeibuliwa katika Tanzania Startup Week 2026, inayofanyika Dar es Salaam, ambapo viongozi wa Serikali na wadau wa sekta ya ubunifu wamejadili namna ya kukuza kampuni changa na kuwezesha mawazo ya vijana kugeuka biashara zenye uwezo wa kukua.

Akizungumza katika mkutano huo, Makamu wa Rais wa Jamhuri ya Muungano wa Tanzania, Deogratius Ndejembi, amezungumzia umuhimu wa uundwaji wa sera zitakazosaidia kuimarisha mfumo wa startups nchini na kuweka mazingira yatakayowezesha sekta hiyo kuchangia maendeleo ya uchumi.

Kwa upande wake, Waziri wa Viwanda na Biashara, Judith Kapinga, amesisitiza umuhimu wa kuboresha mazingira ya biashara, kurahisisha mifumo ya kiutendaji na kuimarisha ushirikiano kati ya Serikali na sekta binafsi ili kusaidia biashara kukua.

Kapinga amesema taasisi na wizara zinapaswa kutathmini mifumo yao, taratibu na sheria ili kubaini maeneo yanayohitaji maboresho. Lengo ni kuwezesha wafanyabiashara kupata maelekezo yanayoeleweka kuhusu huduma wanazohitaji bila kukwama kutokana na mifumo isiyoratibiwa vizuri.

Ameeleza pia kuwa Serikali iko tayari kushirikiana na wadau wa sekta binafsi katika kuendeleza biashara na kupanua masoko, huku vijana wakihimizwa kutafuta fursa za uwezeshaji zinazoweza kusaidia kukuza miradi yao.

Naye Mtendaji Mkuu wa Tanzania Startup Association, Zahoro Muhaji, ameeleza kuwa kampuni changa zinakabiliwa na changamoto zinazohusiana na upatikanaji wa fedha, masoko na kanuni za biashara, akisisitiza umuhimu wa majadiliano hayo kuzaa hatua za utekelezaji.

Muhaji amesema mkutano umejikita katika maeneo matatu ya msingi, ambayo ni sera na kanuni, upatikanaji wa mitaji na fedha, pamoja na upatikanaji wa masoko. Ameeleza kuwa majadiliano na Serikali yamefungua nafasi ya kutafuta ufumbuzi wa changamoto zinazowakabili wajasiriamali.

Kwa upande wa Mwenyekiti wa Bodi ya Tanzania Startup Association, Paul Makanza, amesisitiza umuhimu wa kuwaunganisha wajasiriamali na wawekezaji ili mawazo ya kibunifu yapate mitaji na nafasi ya kukua kibiashara.

Makanza amependekeza kuanzishwa kwa maeneo maalumu ya ubunifu yatakayowawezesha wajasiriamali kukutana, kufanya kazi na kuwasilisha mawazo yao kwa wawekezaji. Maeneo hayo yanaweza kushirikisha taasisi za kifedha na kampuni za mawasiliano ili kurahisisha upatikanaji wa huduma muhimu, ikiwamo intaneti.

Amesema soko la huduma za kidijitali barani Afrika lina fursa kubwa kutokana na matumizi ya simu na uwezekano wa teknolojia kutumika katika sekta mbalimbali, zikiwamo biashara, usafiri na nishati.

Wadau hao wameeleza kuwa ushirikiano kati ya Serikali, taasisi za kifedha, kampuni za mawasiliano na startups ni muhimu katika kuboresha mazingira ya biashara, kuvutia mitaji na kuhakikisha mawazo ya vijana yanageuka kuwa shughuli za kiuchumi zinazoweza kukua na kutoa fursa kwa wengine.

Read More

Shirika la Madini la Taifa (STAMICO) laongeza mapato yake

Mkurugenzi Mtendaji wa STAMICO, Dkt. CPA Venance Mwasse

Na Jerome Mlaki wa Dar. 0789106710

Shirika la Madini la Taifa (STAMICO) limeongeza mapato yake kutoka Sh bilioni 1.3 hadi takribani Sh bilioni 147.8 katika mwaka wa fedha 2025/26, mafanikio yanayohusishwa na mageuzi ya kiutendaji, uwekezaji katika miradi ya madini na kuimarisha usimamizi.

Hayo yamebainishwa leo Oktoba 16,2026 na Mkurugenzi Mtendaji wa STAMICO, Dkt. CPA Venance Mwasse wakati akizungumza na Wahariri na Waandishi wa habari nakusema kuwa mageuzi ya kuimarisha shirika hilo yaliyoanza mwaka 2020 yameimarisha uwezo wa shirika kujiendesha na kupunguza utegemezi wa fedha za Serikali.

Dkt.Mwasse ametaja mafanikio mengine kuwa ni kuongezeka kwa watumishi kutoka 111 hadi karibu 800, kuingia mikataba minne ya ubia katika miradi ya madini ya kimkakati na kuendelea kuboresha mradi wa makaa ya mawe wa Kiwira, mkoani Songwe.

Akizungumzia kuhusu wachimbaji wadogo, amesema shirika limeongeza mitambo ya uchorongaji kutoka mitatu hadi 18 na kuweka mitambo 17 kwa ajili ya kuwasaidia wachimbaji, sambamba na kutoa mafunzo na ushauri wa kitaalamu."STAMICO ina masoko 44 na vituo vidogo vya ununuzi wa madini takribani 120, vinavyorahisisha uuzaji rasmi wa madini na kusaidia kupunguza utoroshaji."amesema

Halikadhalika ameongeza kuwa mchakato wa kuanzisha Benki ya Wachimbaji Tanzania umeanza kwa kushirikiana na wadau, kwa lengo la kuongeza upatikanaji wa mitaji kwa wachimbaji wadogo.

Dkt. Mwasse amesisitiza kuwa STAMICO ni mwekezaji katika sekta ya madini, si mdhibiti, jukumu linalotekelezwa na taasisi husika za Serikali.

Kwa upande Mwenyekiti wa Jukwaa la Wahariri Tanzania (TEF), Deodatus Balile, amesema mafanikio ya STAMICO yanaonyesha umuhimu wa mageuzi katika taasisi za umma, huku akisisitiza haja ya kuimarisha utafiti na ukusanyaji wa takwimu za kisasa ili kupima matokeo ya shughuli zake kwa usahihi.

Kumbuka kuwa STAMICO, ilianzishwa  mwaka 1972 na inamilikiwa na Serikali kwa asilimia 100,inashiriki katika mnyororo wa thamani wa madini kuanzia utafiti na uchimbaji hadi uchenjuaji, uongezaji thamani na biashara ya 

Read More

Soko la Hisa la Dar es Salaam (DSE) limehimiza Halmashauri nchini kutumia fursa

 

Na Jerome Mlaki wa Dar.

Soko la Hisa la Dar es Salaam (DSE) limehimiza Halmashauri nchini kutumia fursa zinazopatikana katika masoko ya mitaji kutafuta fedha kwa ajili ya utekelezaji wa miradi ya maendeleo na kuboresha utoaji wa huduma kwa wananchi.

Wito huo umetolewa katika warsha ya mafunzo kuhusu ufadhili mbadala kwa Halmashauri kupitia fursa za masoko ya mitaji, inayofanyika Oktoba 15 na 16, 2026.

Katika warsha hiyo, Mkurugenzi wa Usimamizi na Uchunguzi wa Soko wa Mamlaka ya Masoko ya Mitaji na Dhamana (CMSA), Bw. Exaut Julius, amesema masoko ya mitaji yanaweza kuwa chanzo cha ziada cha fedha kwa Halmashauri zinazolenga kutekeleza miradi mikubwa ya maendeleo, hususan katika sekta za maji, afya, usafi wa mazingira, masoko, vituo vya mabasi, majengo ya biashara na miundombinu mingine ya kiuchumi.

Amesema kuongezeka kwa mahitaji ya huduma za kijamii na miundombinu kunahitaji Halmashauri kubuni njia mbadala na endelevu za kugharamia miradi ya maendeleo badala ya kutegemea chanzo kimoja cha fedha.

Kwa mujibu wa Bw. Julius, ingawa ruzuku za Serikali na mapato ya ndani vinaendelea kuwa vyanzo muhimu vya fedha kwa Halmashauri, masoko ya mitaji yanaweza kutoa fursa ya kuongeza rasilimali fedha kwa ajili ya miradi inayokidhi vigezo vinavyohitajika.

Ameeleza kuwa baadhi ya nyenzo zinazoweza kuchunguzwa ni pamoja na hati fungani za miundombinu, hati fungani za kijani na mifumo mingine ya ufadhili inayoruhusiwa kisheria, kulingana na aina ya mradi na uwezo wake wa kifedha.

Hata hivyo, amesisitiza kuwa si kila mradi unafaa kufadhiliwa kupitia masoko ya mitaji, akibainisha umuhimu wa kufanya tathmini ya kina ya gharama, mapato yanayotarajiwa, vihatarishi na uwezo wa kutimiza wajibu wa kifedha kwa wawekezaji.

Akizungumzia usimamizi wa ufadhili kupitia masoko ya mitaji, Bw. Julius amesema upatikanaji wa fedha unapaswa kuambatana na uwazi, utawala bora, uwajibikaji na ulinzi wa wawekezaji.

Amesema taasisi zinazotaka kutumia fursa hizo zinapaswa kuwa na mifumo madhubuti ya utoaji wa taarifa za kifedha, usimamizi wa vihatarishi na uzingatiaji wa sheria na kanuni zinazosimamia masoko ya mitaji.

Ameongeza kuwa maandalizi bora ya miradi ni muhimu katika kujenga imani ya wawekezaji na kuhakikisha fedha zitakazopatikana zinatumika kwa malengo yaliyokusudiwa.

Bw. Julius amesema ushirikiano kati ya Ofisi ya Rais – TAMISEMI, CMSA, DSE na Halmashauri ni muhimu katika kuhakikisha miradi ya maendeleo inaandaliwa kwa viwango vinavyokidhi mahitaji ya ufadhili kupitia masoko ya mitaji.

Ameeleza kuwa TAMISEMI ina nafasi muhimu katika kuratibu mipango ya maendeleo ya Serikali za Mitaa, huku CMSA na DSE zikichangia katika maeneo yao ya kitaalamu ili kuwezesha Halmashauri kuelewa na kutumia fursa za masoko ya mitaji.

Aidha, amesema mifumo kama Special Purpose Vehicles (SPVs) inaweza kuchunguzwa kama mojawapo ya njia za kimuundo za kutekeleza miradi, kwa kuzingatia mahitaji ya mradi na masharti ya kisheria.

Katika warsha hiyo, washiriki wanatarajiwa kujengewa uwezo wa kutambua miradi inayoweza kufadhiliwa kupitia masoko ya mitaji, kuchagua nyenzo zinazofaa za ufadhili na kuelewa maandalizi yanayohitajika kabla ya kuwasilisha miradi kwa wawekezaji.

Masuala mengine yatakayojadiliwa ni pamoja na vyanzo vya mapato kwa ajili ya kutimiza wajibu wa kifedha, majukumu ya Halmashauri katika usimamizi wa miradi na taratibu zinazopaswa kufuatwa ili kukamilisha mchakato wa kupata ufadhili.

Washiriki wamehimizwa kutumia fursa hiyo kuuliza maswali, kubadilishana uzoefu na kujadili changamoto zinazoweza kujitokeza katika utekelezaji wa mifumo ya ufadhili mbadala.

Matarajio ni kwamba mafunzo hayo yatasaidia Halmashauri kubaini miradi ya kipaumbele inayoweza kuandaliwa kwa ajili ya kutafuta ufadhili kupitia masoko ya mitaji.

Warsha hiyo ya siku mbili inalenga kuimarisha uelewa wa Halmashauri kuhusu fursa za masoko ya mitaji na namna zinavyoweza kuchangia katika kupanua wigo wa upatikanaji wa fedha kwa ajili ya miradi ya maendeleo nchini

Read More

Chama cha Mapinduzi (CCM) kimeweka mikakati ya kuimarisha ustawi wa maveterani

 

Na Jerome Mlaki wa Dar 

Chama cha Mapinduzi (CCM) kimeweka mikakati ya kuimarisha ustawi wa maveterani wake kwa kuanza utaratibu wa kuwawezesha kupata bima za afya, kuanzisha akaunti maalumu ya shughuli zao na kuratibu utambuzi wa maveterani katika mikoa yote nchini.

Hayo yamesemwa na Mwenyekiti CHAMUATA Taifa, Jeremiah John Wambura, katika hafla ya kuwaenzi maveterani na kumkumbuka Hayati Baba wa Taifa, Mwalimu Julius Kambarage Nyerere, iliyofanyika Oktoba 14, 2026, katika makao makuu ya Umoja wa Vijana wa CCM (UVCCM), jijini Dar es Salaam.

Wambura amesema kuwa kuna umuhimu mkubwa wa kuhifadhi historia ya Taifa, kuendeleza misingi ya umoja na kuhakikisha mchango wa waliotangulia kupigania uhuru wa Taifa na kusaidia nchi nyingi za Afrika kupata uhuru hautasahaulika.

Amesema kuwa maveterani wamekuwa na mchango mkubwa katika harakati za kupigania uhuru na wanapaswa kuendelea kuliombea Taifa na kulinda amani yake.“Siku ya kumbukizi ya kifo cha Hayati Mwalimu Julius Nyerere inapaswa kuwa fursa ya kuwaombea Watanzania na Taifa kwa ujumla ili tuendelee kuwa na amani, utulivu na mshikamano,” amesema Wambura.

Pia, amemtakia heri Rais wa Jamhuri ya Muungano wa Tanzania, akieleza matumaini yake kuwa juhudi za kuendeleza nchi zitaendelea kufanyika katika mazingira ya amani na utulivu.

Halikadhalika, amesisitiza umuhimu wa kuendeleza misingi ya uongozi na uwajibikaji, akihimiza maveterani kuendelea kuwa sehemu ya juhudi za kuelimisha jamii kuhusu historia ya Taifa na umuhimu wa kulinda amani kwa vizazi vya sasa na vijavyoAwali, akizungumza katika hafla hiyo, Katibu wa Siasa na Uenezi wa CCM Mkoa wa Dar es Salaam, Stanley Mkandawire (MNEC), amesisitiza umuhimu wa kutambua mchango wa maveterani na kuendeleza misingi ya chama, akieleza kuwa viongozi wanapaswa kujifunza kuthamini watu walioshiriki katika historia ya Taifa.

Mkandawire amesema Mwalimu Nyerere alikuwa mtetezi wa haki na wanyonge, akichangia pia harakati za ukombozi wa mataifa mbalimbali ya Afrika. Amehimiza Watanzania kutokubali kugawanywa kwa misingi ya dini au siasa, akisisitiza kuwa wananchi wote ni Watanzania bila kujali imani zao.

Ameongeza kuwa maveterani wana wajibu wa kuendeleza elimu kuhusu historia ya Taifa, huku akiwataka vijana kujifunza misingi ya amani, umoja na mshikamano ili kuilinda Tanzania na kuendeleza maendeleo.Naye Mwenyekiti wa Maveterani Mkoa wa Dar es Salaam, Yahaya Ngoma, ameeleza umuhimu wa kutambua mchango wa maveterani katika historia ya Taifa na kuhakikisha kazi zao zinaendelea kufahamika kwa vizazi vijavyo.

Aidha, Mzee Ngoma, ambaye ni muasisi wa Wimbo wa Taifa, amesema maneno yake yana uhusiano na mchango wa maveterani na harakati za kihistoria zilizohusishwa na mwaka 1953, kabla ya kuboreshwa mwaka 1964 na kiongozi wa bendi ya polisi aliyetajwa kwa jina la Mayagila.

Aidha, ameomba kuanzishwa kwa akaunti maalumu ya maveterani itakayosaidia kuratibu shughuli zao, kuwawezesha kukutana na kujadiliana kuhusu namna ya kuendeleza misingi ya umoja, upendo na mshikamano.

Pia, wamesema kuwa kuna mpango wa kuweka ofisi maalumu Dodoma kwa ajili ya kuratibu shughuli za maveterani na kuhifadhi kumbukumbu za mchango wao.

Miongoni mwa mipango iliyotajwa ni kuwatambua maveterani katika kila mkoa, kwa kuanza na angalau watatu kutoka kila mkoa ndani ya mwezi mmoja, pamoja na kuandaa mkutano wa kwanza wa maveterani kutoka nchi nzima utakaofanyika Dodoma.

Read More

TRIPBEY HII LEO IMEZINDUA MFUMO WA KUSAFIRISHA BILA KULIPA NAULI KABLA YA SAFARI

 

Torintohotmedia

Na mwandishi wetu Dar.

Kampuni ya Tripbey imekuja na mfumo wa huduma za usafiri unaowawezesha wananchi kusafiri kwa ndege, mabasi na treni bila kulipa nauli kabla ya kuanza safari, hatua inayolenga kurahisisha upatikanaji wa huduma za usafiri nchini Tanzania na katika ukanda wa Afrika Mashariki.

Akizungumza leo Oktoba 14 ,2026 jijini Dar es salaam wakati wa uzinduzi wa mfumo huo Balozi wa Tripbey Maulid Kitenge amesema kuwa kupitia huduma hiyo, watumiaji wanaweza kuomba tiketi za usafiri kwa kutumia programu ya simu ya Tripbey na kulipa gharama za safari baadaye, kulingana na masharti na vigezo vilivyowekwa na mtoa huduma.

"Mfumo huu unalenga kuwapa wananchi unafuu katika kupanga safari zao, hususani wale wanaohitaji kusafiri kwa dhalura au ambao hawana fedha za kutosha kulipia nauli mara moja."amesema Kitenge

Nakuomgeza kuwa "Katika utekelezaji wa huduma hiyo, Tripbey inatumia mfumo wa tathmini ya uwezo wa kifedha wa mtumiaji (Ability to Pay) ili kubaini kama ana uwezo wa kulipa gharama za safari baada ya kupata huduma.".

Aidha amesema kuwa tathmini hiyo inalenga kuhakikisha kuwa watumiaji wanaopata fursa ya kusafiri kwa utaratibu huo wanakidhi vigezo vya kifedha vilivyowekwa,huku wakizingatia masharti ya ulipaji wa nauli baada ya safari.

Amesema huduma hiyo pia inajumuisha aina mbalimbali za usafiri, zikiwemo ndege za ndani, mabasi ya Mikoani na Treni, jambo linaloweza kuwapa wananchi chaguo pana zaidi la kupanga safari zao kulingana na mahitaji yao.

Kwa upande wake  Afisa Masoko Mwendeshaji  Tripbey Idrisa Njeru amesema kuwa kupitia matumizi ya teknolojia ya kidijitali,TripBey inalenga kurahisisha mchakato wa kupata tiketi na kutoa mfumo mbadala wa malipo ya usafiri unaowawezesha watumiaji kupata huduma kwanza na kulipa baadae.

"Wananchi wanaotaka kutumia huduma hii wanashauriwa kufahamu masharti ya malipo, vigezo vya kustahiki na gharama zinazoweza kuhusishwa na huduma hiyo kabla ya kufanya maombi ya tiketi."amesema Njeru

Read More

Tanzania imeeleza utayari wa kushirikiana na nchi wanachama wa Baraza la Mawaziri la Kanda ya Mashariki, Kusini na Kaskazini mwa Afrika (MOESNA)

 Na Jerome Mlaki wa Dar 0789106710

Tanzania imeeleza utayari wa kushirikiana na nchi wanachama wa Baraza la Mawaziri la Kanda ya Mashariki, Kusini na Kaskazini mwa Afrika (MOESNA) katika kuanzisha chuo kikuu cha kikanda kitakachojikita katika elimu, mafunzo, utafiti na ubunifu wa sekta ya usafiri wa majini.

Akizungumza na waandishi wa habari jijini Dar es Salaam, Oktoba 13, 2026, Naibu Waziri wa Uchukuzi, David Kihenzile, aliyemwakilisha Waziri wa Uchukuzi, Prof. Makame Mbarawa, amesema uamuzi huo ni sehemu ya juhudi za kuimarisha uwezo wa Afrika katika sekta ya usafiri wa majini.

Kihenzile amesema Tanzania pia itakuwa mwenyeji wa Mkutano Mkuu wa Kumi wa MOESNA utakaofanyika Oktoba 15, 2026 jijini Dar es Salaam, ukiwakutanisha mawaziri 26 wanaosimamia uchukuzi na lojistiki kutoka nchi wanachama.

Amesema mkutano huo utajadili namna ya kuimarisha uunganishaji wa nchi, kurahisisha biashara na kuongeza usafirishaji wa mizigo na abiria kwa njia ya maji kati ya bandari za Afrika, huku ukilenga kuongeza ushiriki wa bara katika usafirishaji wa majini.

Kwa upande wake, Katibu Mtendaji wa MOESNA, Kassim Mpaata, amesema tayari wamepata ushirikiano kutoka Tanzania, Botswana na nchi nyingine katika kufanikisha ujenzi wa chuo hicho, ambacho kinatarajiwa kuwa kituo cha umahiri wa kikanda katika sekta ya usafiri wa majini.

Read More

BENKI YA DUNIA, TANZANIA, BURUNDI WAJADILI USHIRIKIANO WA KIUCHUMI KATIKA USHOROBA WA KATI

Na Jerome Mlaki wa Dar 

Written by Alex Sonna

Waziri wa Fedha wa Jamhuri ya Muungano wa Tanzania, Mhe. Balozi Khamis Mussa Omar (Mb) (kulia), Waziri wa Fedha wa Burundi, Mhe. Dkt. Alain Ndikumana (kushoto) na Makamu wa Rais wa Benki ya Dunia anayesimamia Kanda ya Afrika Mashariki na Kusini, Dkt. Ndiame Diop, wakiwa katika picha ya pamoja mara baada ya kukutana na kujadili namna ya kuharakisha utekelezaji wa mradi wa kimkakati wa miundombinu wa Ushoroba wa Kati (Central Corridor), unaolenga kubadilisha mtandao wa usafirishaji wa kikanda kuwa kichocheo muhimu cha ustawi wa kiuchumi, uliofanyina kando ya Mikutano ya Mwaka ya Shirika la Fedha la Kimataifa (IMF) na Benki ya Dunia (World Bank Group), jijini Bangkok, nchini Thailand.

Waziri wa Fedha wa Jamhuri ya Muungano wa Tanzania, Mhe. Balozi Khamis Mussa Omar (Kulia) (Mb), akizungumza wakati wa kikao cha pamoja kati ya Tanzania, Burundi na wawakilishi wa Benki ya Dunia wakiongozwa na Makamu wa Rais wa Benki ya Dunia anayesimamia Kanda ya Afrika Mashariki na Kusini, Dkt. Ndiame Diop (hayupo pichani), kando ya Mikutano ya Mwaka ya Shirika la Fedha la Kimataifa (IMF) na Benki ya Dunia (World Bank Group), inayofanyika jijini Bangkok, nchini Thailand, ambapo walijadili namna ya kuharakisha utekelezaji wa mradi mkakati wa miundombinu wa Ushoroba wa Kati (Central Corridor), unaolenga kubadilisha mtandao wa usafirishaji wa kikanda kuwa kichocheo muhimu cha ustawi wa kiuchumi. Kushoto ni Waziri wa Fedha wa Burundi, Mhe. Dkt. Alain Ndikumana.

Waziri wa Fedha wa Jamhuri ya Muungano wa Tanzania, Mhe. Balozi Khamis Mussa Omar (Mb) (Kulia), Waziri wa Fedha wa Burundi, Mhe. Dkt. Alain Ndikumana (kushoto) na Makamu wa Rais wa Benki ya Dunia anayesimamia Kanda ya Afrika Mashariki na Kusini, Dkt. Ndiame Diop, wakiteta jambo mara baada ya kufanya mkutano uliojadili namna ya kuharakisha utekelezaji wa mradi mkakati wa miundombinu wa Ushoroba wa Kati (Central Corridor), unaolenga kubadilisha mtandao wa usafirishaji wa kikanda kuwa kichocheo muhimu cha ustawi wa kiuchumi kayika ukanda huo, wakati wa Mikutano ya Mwaka ya Shirika la Fedha la Kimataifa (IMF) na Benki ya Dunia (World Bank Group), inayofanyika jijini Bangkok, nchini Thailand.

(Picha na Kitengo cha Mawasiliano Serikalini, WF, Bangkok, nchini Thailand)

Na Benny Mwaipaja, Bangkok, Thailand

Mawaziri wa Fedha wa Tanzania na Burundi, Mhe. Balozi Khamis Mussa Omar na Mhe. Dkt. Alain Ndikumana, kwa pamoja, wamekutana na wawakilishi wa Benki ya Dunia wakiongozwa na Makamu wa Rais anayehusika na Kanda ya Afrika Mashariki na Kusini, Dkt. Ndiame Diop, kujadili namna ya kuharakisha utekelezaji wa mradi wa kimkakati wa miundombinu wa Ushoroba wa Kati (Central Corridor), unaolenga kubadilisha mtandao wa usafirishaji wa kikanda kuwa kichocheo muhimu cha ustawi wa kiuchumi katika ukanda huo.

Waziri wa Fedha wa Jamhuri ya Muungano wa Tanzania, Mhe. Balozi Omar amesema kuwa majadiliano hayo yalilenga kuubadilisha Ushoroba wa Kati kutoka kuwa njia ya kawaida ya usafirishaji na kuwa eneo jumuishi la kiuchumi huku msisitizo mkubwa ukiwekwa katika maendeleo ya Reli ya Kisasa (SGR) ikiunganishwa na miundombinu ya bandari ya Dar es Salaam, sambamba na uwekezaji katika sekta za kilimo, madini na viwanda.

Alisema Serikali imepiga hatua kubwa katika ujenzi wa reli ya SGR iliyogawanywa vipande saba ambapo sehemu ya kwanza na ya pili, zinazounganisha Dar es Salaam na Dodoma imeanza kufanya kazi, huku kazi zikiendelea katika sehemu ya tatu hadi ya sita zitakazopanua mtandao wa reli kuelekea Tabora, Mwanza na hatimaye Kigoma, karibu na mpaka wa Burundi.

Aliongeza kuwa pamoja na umuhimu wa reli katika usafirishaji, ni lazima iunganishwe na mtandao wa barabara pamoja na vituo bora vya huduma za usafirishaji na ugavi na kwamba ushirikiano wa Benki ya Dunia na nchi za Tanzania, Burundi na DRC na washirika wengine wa maendeleo ni muhimu katika kufanikisha mradi huo.

Alisema lengo si kuondoa usafirishaji wa mizigo kwa malori na kutumia reli pekee, bali ni kujenga mfumo jumuishi wa usafirishaji ambapo malori yatapeleka mizigo kwenye reli, hatua itakayoongeza ufanisi, faida na uwezo wa miundombinu hiyo kuvutia uwekezaji na ufadhili.

Naye Waziri wa Fedha wa Burundi, Mhe. Dkt. Alain Ndikumana alisema mradi huo unalenga kuboresha sekta ya kilimo nchini mwake na kurahisisha biashara ya usafirishaji wa bidhaa zinazopita nchini humo kwenda maeneo mengine, hatua itakayosaidia Burundi kuwa kitovu cha shughuli za kiuchumi katika ukanda huo.

Alielezea umuhimu wa kimkakati wa kiungo cha reli, hasa kwa ajili ya uchimbaji wa madini ya nikeli na kobalti eneo la Musongati, ambayo inakadiriwa kuwa kati ya tani milioni 150 na 230 zitazalishwa na kutumia ushoroba huo kuyafikia masoko ya kimataifa.

Akizungumza katika mkutano huo, Makamu wa Rais wa Benki ya Dunia anayesimamia Kanda ya Afrika Mashariki na Kusini, Dkt. Ndiame Diop, alisema kuwa mradi huo ni muhimu katika kukuza biashara na ustawi wa watu katika Ushooba huo na kuahidi kuwa Benki ya Dunia inaunga mkono mradi huo na iko tayari kuufanikisha.

Alisema kuwa Benki ya Dunia na washirika wa kikanda wanatarajia kufanya tathmini ya sekta binafsi ili kubaini fursa za uwekezaji na kuhakikisha kuwa miundombinu ya reli inaendana na mahitaji halisi ya shughuli za kiuchumi katika ukanda huo.

Kadiri mradi huo unavyoendelea, makubalino ya wadau yapo wazi; kuwa Ushoroba wa Kati si mradi wa reli na miundombinu pekee, bali ni mpango wa muda mrefu wenye hatua mbalimbali unaolenga kuunganisha Bahari ya Hindi na maeneo ya ndani ya Bara la Afrika, kukuza biashara, kuzalisha ajira na kuimarisha maendeleo endelevu katika ukanda huo.

Read More

Maonesho ya 33 ya kimataifa ya vitabu Tanzania yamezinduliwa rasmi hii Leo

 Torintohot media.

Na Jerome Mlaki wa Dar. 0789106710

Maonesho ya 33 ya kimataifa ya vitabu Tanzania yamezinduliwa rasmi hii Leo na yamehudhuriwa na wananchi wengi sekta za kiserikali na zisizo za kiserikali.

Maonesho hayo yamelenga kuonyesha kazi za waandishi wa vitambu kudhamini na kutambua mchango wao ktk Taifa. 

Akizungumza katika  Maonesho  hayo mgeni rasmi Mh. Hamis Mwinjuma Naibu Waziri wa sanaa utamaduni na Michezo amesema ili Taifa liweze kuwa na maendeleo hatuna budi kuwekeza katika kuwajengea wananchi kupenda kusoma vitabu vinavyo ongeza maarifa .

Lakini pia ameeleza vitabu vinakuza uelewa,mbali na hilo ameeleza tunakilasabu ya kuheshimu nakuitambua michango ya wazee wetu katika kuielimisha jamii kupitia usomaji wa vitabu.

Mgeni rasmi Mh Naibu Waziri Hamis Mwinjuma amesema usomaji wa vitabu unaongeza maarifa  mbinu, hekima, kukuza akili na ujuzi Kwa wasomaji na hivyo tutajikuta tuna jamii yenye uelewa wa mambo mengi.

Na Kwa upande wake Hermes Damian  mwenyekiti wa wachapishaji wa vitabu Tanzania, amesema kuwa Taifa ili liendelee linahiji liwekeze katika elimu  na jamii inapaswa kukumbuka mchango wa wananchi waliojito katika Hali na mali katika kuandika hekima na ujuzi kwenye vitabu na Leo hii vitabu vyao vimetoa na vinaendelea kutoa mchango mkubwa wa kielimu hapa inchini. 

Lakini pia Hermes Damian ameshauri kujengwe maktaba itakayo hifadhi kumbukumbu za vitambu mbalimbali  vikiwemo vya wazalendo waliotoa mchanngo mkubwa Kwa Taifa katika sekta ya habari kupitia machapisho ya nalaka zao mbalimbali za vitabu hapa inchini.

Hoja ya maktaba Hermes amesema pia itatumika kama sehemu ya kuwashukuru waandishi wote wazalendo wa Taifa lao Kwa kuifadhi kazi zao vizazi na vizazi.. amesema.. usipomkumbuka mtu aliekutangulia Kwa kazi zake Bora katika Taifa.. Basi umejiandalia kaburi la kusaaulika. (Mwisho wa kunukuu)

Read More

11 PEOPLE ARRESTED ON ONLINE FRAUD SUSPECTS

 Jerome Mlaki from Dar es Salaam

The Dar es Salaam Special Zone Police Force has arrested 11 people accused of engaging in online fraud, where they have been using the names of various companies to persuade citizens to give money with various promises.

According to a statement released by the Police Force today, October 5, 2026, the suspects are alleged to have engaged in fraud through WhatsApp and Instagram networks, using the names C2203 VDC Dawn, VBCL Business Company Ltd, Fine Modern Homes and Fine Group of Companies.

Police said the suspects were claiming that the companies were run by Prof. Vincent Mwakibote, Rebecca Ndawani and Andrew Komba, while issuing advertisements with special links directing citizens to various pages.

After the victims clicked on the links, they were allegedly asked to make payments through the accounts provided to them, including paying money to buy shares in markets such as the Dar es Salaam Stock Exchange (DSE), the London Stock Exchange and the US markets, as well as promises of house construction, which the Police have described as fake contracts.

The Police Force has said that investigations are ongoing against the suspects, while urging citizens to be careful of advertisements that encourage them to make financial transactions through networks without verifying the legitimacy of the relevant business.

The police have also warned citizens not to click on links or make payments to untrustworthy people and companies, as incidents of online fraud continue to increase.

The statement was issued by the Acting Commander of the Dar es Salaam Special Police Zone. If you wish, I can also create a strong online headline for this story without distorting the information

Read More

Soko la kariakoo jijini Dar es salaam.. limezindua kituo Cha huduma Kwa wateja

Na Jerome Mlaki wa Dar. 0789106710

Soko la kariakoo jijini Dar es salaam.. limezindua kituo Cha huduma Kwa wateja chenye lengo la kusikiliza kero mbalimbali za wateja lakini ikiwemo pia kurahisisha upatikanaji wa taarifa za kibiashara ndani na nje ya soko.

Akizungumza katika hafla ya Uzinduzi huo mgeni rasmi  Katibu Tawala wa Wilaya ya Ilala Bi. Charangwa Selemani amesema Makampuni mbalimbali pamoja na wateja na wafanyabiashara watanufaika na huduma hiyo kwani inarahisisha mawasiliano ya kiutendaji na utatuaji wa kero mbalimbali katika soko hilo.

Makampuni mbalimbali pamoja na wateja wameuongelea Uzinduzi huo na kusema ni urahisishaji wa mawasiliano ya kibiashara lakini pia ni sehemu maalumu ya kuuliza chochote ili kupata taarifa zaidi badala ya wageni wengi kuzubaa wa kuteseka namna ya kufahamu maeneo zilipo bidhaa.

Ikumbukwe kuwa soko la kariakoo liliungua kabla ya kujengwa jipya hivyo wafanyabiasha wa soko hilo walipitia changamoto mbalimbali ikiwemo sehemu ya kufanyia biashara lakini pia uduni wa upatikanaji wa bidhaa, hata wateja wao kukosa bidhaa mara nyingi walipofika katika mazingira hayo. 

Lakini Kwa sasa baada ya kukamilika soko hili la kariakoo wafanyabiashara wamemshukuru Rais Dk. Samia Suluhu Kwa kutatua changamoto yao ya muda mrefu. 

Na Kwa upande wake Meneja Mkuu wa Shirika la Masoko Kariakoo, CPA Ashiraph Abdulkarim amesema Kituo Cha huduma Kwa wateja chenye lengo la kusikiliza kero mbalimbali za wateja na wafanyabiashara pamoja na kupata taarifa zaidi kuhusiana na soko kimezinduliwa ili sasa kuwaweka watu wote karibu kibiashara.

Mara baada ya kuzindua kituo hicho mgeni rasmi Bi. Charangwa Selemani  amesema sasa wakati wa wafanyabiashara kurahisishiwa utatuaji wa kero zao umefika na kurahisishiwa upatikanaji wa taarifa za kibiashara ndani na nje ya nchi umefika. 

Mgeni rasmi Bi. Charangwa Selemani  amesema kituo hicho kimeyengeneza fursa zaidi na hivyo hata wateja hawatababaika Tena wapi waulize ili wapate taarifa muhimu za soko moja kwa Moja wateja hao watapiga namba 0800114040 na kueleza shida na kujibiwa.

Read More

SERIKALI IMELETA MPANGO MAHSUSI WA TAARIFA KUWAFIKIA WENYE ULEMAVU WAELIMIKE KUHUSU EL NINO

Na Jerome Mlaki wa Dar.

Serikali imesema kuwa,itaendelea kuwajali watu wenye ulemavu ikiwemo kutekeleza mpango wa Taifa wa watu wenye ualbino.

Akizungumza , Septemba 28, 2026, wakati akifungua Jukwaa la Kitaifa la Uratibu na Utekelezaji wa MTHUWWU jijini Dar es Salaam, Waziri wa Nchi, Ofisi ya Waziri Mkuu (Sera, Bunge, Uratibu na Watu Wenye Ulemavu), Profesa Palamagamba Kabudi, amesema hatua hizo zinapaswa kuambatana na utekelezaji wa mpango huo katika maeneo yote yanayohusu haki na ustawi wa watu wenye ualbino.

Kabudi amesema Serikali na wadau wana wajibu kuhakikisha mpango huo hautabaki kwenye nyaraka, bali utekelezwe kwa vitendo, ukipewa rasilimali na kutekelezwa kwa wakati.

“Ni muhimu kuweka mipango madhubuti ya utekelezaji wa mpango na kuhakikisha kuwa mikakati na afua zilizoainishwa katika mpango zinapatiwa rasilimali na kutekelezwa kwa wakati,” amesema.

Amesema shughuli zilizopangwa zinapaswa kutekelezwa na taarifa zake kutolewa kwa wakati ili kuwezesha Serikali na wadau kufuatilia maendeleo, kubaini changamoto, kupima matokeo na kuchukua hatua za kuboresha utekelezaji.

Kabudi amesema mpango huo una nguzo nne ambazo ni ulinzi, kinga, usawa na kutobagua pamoja na uwajibikaji, huku mfumo wa ufuatiliaji na tathmini ukitakiwa kufanya kazi kuanzia ngazi ya Taifa hadi Mkoa, Halmashauri, kata, kijiji na mtaa.

Akizungumza katika mkutano huo afisa ustawi wa jamii mkuu kutoka ofisi ya Waziri Mkuu Joy Maongezi amesema imetenga Sh milioni 90 kwa ajili ya ununuzi wa mafuta kinga dhidi ya saratani ya ngozi kwa watu wenye ualbino, huku ikiagiza wadau wote kuhakikisha Mpango Kazi wa Taifa wa Haki na Ustawi wa Watu wenye Ualbino (MTHUWWU) unatekelezwa kwa vitendo na kwa wakati.

 Amesema fedha hizo zimetengwa katika mwaka wa fedha 2025/26 kwa ajili ya ununuzi wa mafuta hayo kupitia Bohari ya Dawa (MSD).

Amesema tayari chupa 339 za mafuta hayo zimesambazwa katika mikoa ya Arusha na Kilimanjaro kwa kushirikiana na wadau.

Maongezi amesema Serikali pia ina wataalamu takribani 403 wa ngozi katika halmashauri pamoja na madaktari bingwa wa ngozi 98 katika hospitali za kanda na rufaa za mikoa.

Amesema jukwaa hilo la siku tatu linapaswa kwenda zaidi ya kutathmini yaliyofanyika, bali kubaini mambo yanayotakiwa kutekelezwa, maeneo yenye upungufu na hatua mahsusi za kuziba mapengo hayo.

Kwa upande wake, Kaimu Mkurugenzi wa Kitengo cha Watu Wenye Ulemavu, Ofisi ya Waziri Mkuu, Wambura Kizito, amesema sasa ni wakati wa kutoka katika hatua ya kuwa na mpango kazi na kuingia kwenye utekelezaji unaopimika, unaoratibiwa na wenye uwajibikaji.

Amesema masuala ya watu wenye ualbino ni mtambuka na hayawezi kutekelezwa na Ofisi ya Waziri Mkuu au taasisi moja pekee, bali yanahitaji ushirikiano wa sekta za afya, elimu, ajira, haki na ulinzi, ustawi wa jamii, uwezeshaji wa kiuchumi, ulinzi wa mtoto na usalama.

Amesema jukwaa hilo litabaini shughuli zilizotekelezwa, zinazoendelea na ambazo hazijatekelezwa pamoja na sababu zake, taasisi zinazohusika, rasilimali zinazohitajika na changamoto zinazokwamisha utekelezaji.

Mwenyekiti wa Jukwaa la Kitaifa la Uratibu na Utekelezaji wa MTHUWWU, Yohana Sali, amesema jukwaa hilo litatoa nafasi kwa Serikali na wadau kujadili mafanikio, changamoto, fursa na vipaumbele vya utekelezaji wa mpango huo.

Amesema siku ya kwanza itajikita katika kujenga uelewa wa pamoja kuhusu mpango huo, historia yake, maudhui na hali ya utekelezaji, huku siku ya tatu ikijikita katika uratibu, masuala mtambuka na maandalizi ya mpango wa utekelezaji.

Kabudi amesema Serikali pia inaendelea kuboresha mifumo ya taarifa za watu wenye ulemavu hadi ngazi ya kijiji na mtaa.

Amesema kwa mujibu wa Sensa ya Watu na Makazi ya mwaka 2022, Tanzania Bara ina watu wenye ualbino 71,631, wakiwemo wanaume 41,203 na wanawake 30,428.

Amesema taarifa hizo zinaisaidia Serikali kufahamu idadi na maeneo wanakoishi watu wenye ualbino ili kupanga huduma kwa kuzingatia mazingira na mahitaji yao.

Kwa upande wake Mwenyekiti wa Chama cha Watu Wenye Ualbino Tanzania (TAS), Godson Mollel ameipongeza Serikali kwa jitihada zake za kutokomeza mauaji na ukatili dhidi yao, huku akibainisha kuwa utekelezaji wa mpango huo mpya unatoa matumaini makubwa katika kuboresha maisha yao na fursa sawa za elimu, ajira na huduma za afya.

Hata hivyo Serikali imesisitiza kuwa itaendelea kufanya mapitio ya Sera ya Taifa ya Huduma na Maendeleo ya Watu Wenye Ulemavu ya mwaka 2004 ili kuendana na mabadiliko ya kiteknolojia na mahitaji ya sasa ya kijamii na kiuchumi.

Read More