Watumishi Housing kuwaunganisha wawekezaji wadogo kupitia Mfuko wa Faida Fund utakao leta manufaa makubwa nchini..

Na Jerome Mlaki wa DAR.

Imeelezwa kuwa watanzania wengi hawanufaiki na uwekezaji wa masoko ya kifedha kutokana na kutokuwa na elimu ya kutosha ya maswala ya uwekezaji huo pamoja na utapeli.

Hayo yameelezwa Jijini Dar es Salaam na Mkurugenzi Mkuu wa Watumishi Housing Investment Dkt Fred Msemwa wakati wa mkutano na wadau wa sekta ya fedha, masoko na mitaji ikiwa ni sehemu ya maandalizi ya uanzishaji wa mfuko wa uwekezaji wa Faida fund.

Dkt Msemwa ameongeza kuwa kupitia mfuko huo utawawezesha wawekezaji wenye mitaji midogo kuunganishwa kwa pamoja kupitia Watumishi housing.

Kwa upande wake mkuu wa kitengo cha mitaji ya masoko kutoka CRDB amesema bank hiyo ndiyo itakayokuwa msimamizi mkuu fedha zote za uwekezaji hivyo wanawahakikishia wadau na wawekezaji kuwa uwekezaji huo ni salama